3 Variationen auf "I Don't Need No Doctor"
1 ... Na, i brauch kan Dokta
Na, i brauch kan Dokta.
I was eh scho, wos ma föd.
Na, i brauch kan Dokta.
Weu i was scho, wos ma föd.
Heast di Leit sa so vü depat.
Lauta Ruas auf dera wöd.
Na, i brauch kan Dokta.
Weu do hüft ka Medizin.
Na, i brauch kan Dokta.
Na, do hüft ka Medizin.
So wiad Leit si doda auffian,
is boid eh scho olas hin.
Bridge:
A jeda sogt, es geht eam schlecht,
kan Mensch‘n mochst as heit no recht.
A jeda raunzd und neavt und bockt.
Auf di Schwächstn wird hi(n)g‘hockt!
Da Konsumrausch mocht di meia.
Es is längst scho olas z‘ teia.
Oba(r) i brauch kan Dokta.
Es is eh scho olas wuascht.
Na na, i brauch kan Dokta.
Weu, es is eh scho olas wuascht.
Kumm, mia gengan jetzt zum Wirtn
Und duat bekämpf ma unsan Duascht.
I sog: Prost!
2 ... Voigas
Leitln foats nua Foigas,
foats nua Foigas aun di Waund.
Leitln foats nua Foigas,
foats nua Foigas aun di Waund.
Und daun heats as olle scheban
von Bregenz bis ins Burgenlaund.
Schleichts eich ham auf Facebook.
Vom Glockna bis ins Digital.
Schleichts eich ham auf Facebook.
Vom Glockna bis ins Digital.
Die virtuelle Wöd von heite
is murgn leida scho real.
Bridge:
Ollas read und schimpft und schreit.
An jedn zweitn frist da Neid.
Weu da Nochba foat seit gestern
An Mercedes an fü gres(t)an!
Und du mogst di ned blamieren
du faungst au zum Finanziern.
Und jetzt gets da bessa?
Du host Schuidn auf da Bank.
Und jetz'n gets da bessa?
Mit de Schuidn auf da Bank.
Bist a Sklave der Gesöschoft
und zoist as z'ruck dei Leben laung.
Host dein Frust a Leben laung.
3...Menschen(un)würde
Na, i hob ka Hok'n.
I bin seit zwa Joa oabeitslos.
Na, i hob ka Hok'n.
I bin scho fü z'laung oabeitslos.
Kana braucht mea wos i g'leant hob.
Ollas online oda wos.
Na, i hob ka Hok'n.
I bin scho fü z'laung oabeitslos.
Na, i hob ka Hok'n.
Laungsaum wird des hoffnungslos.
Mit Fuchzig g'hearst zum oitn Eis'n.
Und da Frust is riesengroß.
Bridge:
De Fiaman kennan kan Pardon.
Oide kosten zu fü Lohn.
Hau mas auße no bei Zeitn
befua’s um Ibastund'n streitn
Denn, wer die Zukunft will gestalten,
der verzichte auf die Alten!
Na, i hob kan Bock mehr.
Nur Dummheit, Größenwahn, Gewinn.
Na, i hob kan Bock mehr.
Nix dahinter und ka Sinn.
Hohle Birnan und Computer.
Die Menschenwürde is dahin.
Tanzkunst
Wenn ich auf deinen Zehen steh,
den Schmerz in deinen Augen seh,
dann wird es mir so recht bewusst:
Wir stehen Brust an Brust!
Zum Walzer lud ich dich mit Schwung.
Jetzt bitt‘ ich um Entschuldigung.
Auch das angeknackste Wadenbein,
bitte, musst du mir verzeih’n.
Bridge:
Zum Tanzen taug‘ ich nicht sehr.
Vermutlich bin ich zu schwer?!
Trotzdem: Tanz mit mir ins Morgengrau’n,
Zum Arzt können wir morgen schau’n.
Dieser Mann wird lindern deine Pein.
Das Tanzen lass‘ ich sein.
Textalternative:
Zum Tanz bat ich um Mitternacht.
Das hätt‘ ich besser nicht gemacht,
denn meine Kunst am Tanzparkett
reicht nicht einmal für Menuett.
(zu "Happy days are here again")
Wos I Gern Gspiarat
Es san ned de Krämpf, in meine Zechn.
A ned de Kniascheibn, meine wechn.
Na, da Grund, das i mi gspia, der bist du!
Es is a ned, weu i scho oid wa.
Dos draußn feicht und drinan koid wa.
Na, da Grund, das i mi gspia, der bist du!
Waun i di aunschau,
kennt i ned sogn,
wos i mog aun dia?
Warum i bleib und ned gfria!
Hob nia(r) an Schnops braucht, noch dein Essn.
I kaun di afoch ned fargessn!
Nau na, schee woa die Zeit mit uns zwa
I bin hoid ned gern alan!
Wos i gern gspiarat bist du!
(zu "The nearness of you", Hoagy Carmichel)
Moi wos Neichs (10/2017)
Die Ludmila wandert Lust in Favoriten.
Zumindest optisch hat sie einiges zu bieten.
Hot die Ludmila heit ka Lust,
seufzt sie tief aus schwera Brust.
Ansonst‘n losst sa si do ned laung bitten.
Da Rudl spüd gedieg‘n Karambol.
Bein Kuglspü do fü(l)t er si sauwohl.
Im Kaffeehaus is a Kaiser.
Doch daham do is a leiser.
Ertränkt duat seinen Frust im Alkohol.
Da Rudl tuat Ludmila heiß begehren.
Fost kennt ma sogn: Er tuat sie sehr verehren.
Si farstengan si beim F…
Ansunsten tuan si aundas ticken.
Mit de zwa kaun‘s auf di Daua wohl nix wer‘n.
An Partner suachst da heite on(e)leine.
Duat tumeln sich die Massen mehr zum Scheine.
Du frogst zeascht dein Computer.
"Hearst spinnst?" frogt di dei Mutter.
Moch' an Linksklick und du bist nicht mehr alleine.
(Blues, noch ohne Melodie)
A Stickl Drot (05/2018)
Du woast g‘sund, ich woa g‘sund, fit woan mia zwa.
Heit geht ois laungsaum nua, söbst am Pissoir!
I woa fesch, du woast fesch und so umschwärmt.
Denkat ma nur aun di Schatzerln,
an de vüln siaßn Fratzerln,
warat ma scho leicht farheamt.
Mir trogn im Herzen drin a Stickl Drot darin.
A klana Herzinfarkt hot uns niedaprakt.
Heit denk i bessa noch, wos i unnedich moch.
I sog: „Des brauch i ned; des is ma zu bled!"
A waun de aundan sogn: Des soit ma a no trogn.
Fraindal des krotzt mi ned, tuat mi ned rian.
Erst waun se san söba draun,
faungans zum Denkn aun.
Vielleicht is daun schon zaspot,
waun's da Schlog troffn hot.
A Stent im Herzkraunzgefäß regt uns ned auf.
So lang des Bluat zirkuliert, geb'm mia ned auf.
Mia feian den Feiatog, den Sundoch a.
Furbei san jetzt de wüd'n Zeit'n.
A Diät tuan's uns heit zubereit'n.
Und mia san wida ob'n auf.
Mir trogn im Herzen drin a Stickl vom Platin.
A klana Herzinfarkt hot uns niedaprakt.
Heit denk ma bessa noch, wos ma unnedich mocht.
Mia sogn: „Des brauch ma ned; des is uns z‘bled!"
Und waun de Herr'n uns sogn: Des miaß ma a no trogn.
Fraindal des krotzt uns ned, mocht uns kan Stress.
Erst waun de san söba draun,
faungans ins Denkn aun.
Doch vielleicht is daun schon zaspot,
waun's da Schlog troffn hot.
(zu "Ich trag im Herzen drin" von Anton Profes)
Ned nua du (12/2018)
Ned nua du
bist in die Wechs'ljoa.
Ned nur du
farliast die letzt'n Hoa.
Ned nur du, nur du alan,
spiast in da Nocht an Draung.
Ned nua du stehst bessa auf.
Na, ned nur du.
Ned nur du
saufst da dei Oide schee.
Ned nua dia
tuan olle Knochn weh.
Tuast nua stoak ois wi a Bam,
mochst a Senior'nfitnessprogramm.
Du alan frist ka Diät.
Na, Ned nur du.
Ned nur du
gehst obends frua ins Bed.
Ned nur dia
glaubt ma die Höfte ned.
Mocht dia wer Plotz in da U-Bahn,
foat dei letzta Zug boid ham.
Gfrei di auf jed'n Tog,
mei Freind - ned nur du.
(zu "Only You", The Platters, 1955)
Do geht nix (06/2019)
Bist du dem Krieg entkommen und der Not.
San deine Fiaß vom Hatsch'n bluadig rot.
Stehst fua da Grenz; a ries'n Zaun;
Do geht nix.
Z'ruck kaunst ned, weu duatn wird no g'schossn.
Fua dia a Schüd: DIE ROUTE IST GESCHLOSSN!
Jetzt is kloa; auf der Route;
Do geht nix.
Du probierst as immer wieda!
Da Grenzschutz der bleibt Siega!
Varzweife(l)t schaust di um
und glaubst an jed'n Betrüga!
Irgendwaun host ka Kroft mehr und ka Göd.
Du zweifelst aun da Menschlichkeit da Wöd.
Auf der Route; do geht nix;
Des is fix.
Gegen Dummheit; do hü(l)ft nix;
Des is fix.
So a Regierung; die muas weg;
Des woa fix.
(zu "Route 66", Bobby Troup 1946)
Restmüllblues (09/2019)
Hebts eichan Mist auf
Lost's ma kan Saustoi z'ruck.
Hebts eichan Mist auf
Lost's ma kan Saustoi z'ruck.
Weu mia tuat es Kreiz weh
Waun i mi efta's buck.
Lare Floschna und Sackln
Saumet's am besten zaum.
Lare Floschna und Sackln
Saumet's am besten zaum.
Los ma ois liegn auf da Wiesn
Wea mas boid gmiatlich haum.
A Tonne Restmüll jede Wochn
Und aund‘re soiche Sochn.
Bringan uns ned weida,
Und dabei wean ma ned gscheida.
Hebts eichan Mist auf
Lost's ma kan Saustoi z'ruck.
Hebts eichan Mist auf
Lost's ma kan Saustoi z'ruck.
Weu mia tuat es Kreiz weh
und i sing en Restmüllblues.
(noch ohne Musik!)
Sei mein Gast (12/2019)
Das Leben ist nicht immer eitel Wonne.
Die Wahrheit führt dich manchmal nicht ans Ziel.
Trotzdem scheint für jedermann die Sonne.
Nicht jeden frist im Sumpf ein Krokodil.
Schau dich mal an bei Licht.
Verstecken hilft dir nicht!
Komm' aus der Nacht
und nütze dein Talent!
Ist es nicht sonderbar,
wie öd es früher war?
Jetzt blühst du auf
und jedermann dich kennt.
Du kamst über mich wie ein Tsunami.
In deinen Fluten hätt' ich mich ertränkt.
Du stahlst mir eine Semmel mit Salami.
Wenn du mich gefragt; ich hätt' sie dir geschenkt.
Sei bei mir länger Gast,
du bist mir keine Last.
Selbst wenn du lügst und klaust
wie ein ungezog'nes Kind.
Die Liebe sei uns hold.
Ja, Kinder sind gewollt.
Komm an mein Herz!
Zieh' heute noch bei mir ein.
(zu "Those were the days")
I kum spoda (10/2020)
Wade in the water,
wade in the water, children.
Wade in the water.
God’s gonna trouble the water.
Rennt’s durch’n Fluss hinterher eichan Boss.
… Woat’s ned am Voda.
San am End vom Tog de Fias gaunz noss.
… Geht’s nua vuraus, ea kumt spoda.
Woat’s ned am Voda.
Woat’s ned am Voda, Kinda.
Woat’s ned am Voda.
Geht’s nua vuraus, ea kumt spoda.
Hauts eich mit de Havara eine in See.
… Woat’s ned am Voda.
Hobt’s a irre Gaude und es rennt glei da Schmäh.
… Geht’s nua vuraus, ea kumt spoda.
Woat’s ned am Voda.
Woat’s ned am Voda, Kinda.
Woat’s ned am Voda.
Geht’s nua vuraus, ea kumt spoda.
Is da River Jordan chilli and cold
… Woat’s ned am Voda.
hoist da bein Umageh sicha en Tod.
… Geht’s nua vuraus, ea kumt spoda.
Woat’s ned am Voda.
Woat’s ned am Voda, Kinda.
Woat’s ned am Voda.
Geht’s nua vuraus, i kum spoda.
(trad. Spiritual "Wade In The Water")
Fia Olle Speziölle (12/2020)
Text: mARTin Stumpauer
Musik: Roman Grinberg
(für Familien mit Kindern mit speziellen Bedürfnissen)
Unsa Roistui is a Ferrari.
Gas ma au daun siachst nua(r)an Strich.
Mia kenna’n Himme und a di Hölle.
Mia san afoch gaunz Speziölle.
Und am meisten … glau(b) ma fest aun dich!
Denk amoi noch:
Mia san hoit … so wia ma san,
di an farwundboa
und di audan … stoak wia di Bam.
Wer a Moach hot, dea kaun höfn,
des haum die Oidn imma g’sogt.
Es is uns kloa, dos des a Kroft kost,
doch danoch … hot no nia wer g’frogt.
Sama laungsaum und weniga schlau
Siachst uns des vielleicht a ned au(n).
Mia kenna’n Himme und a di Hölle.
Mis san afoch gaunz Speziölle.
Und nua dir … woin ma(r)uns aunfartraun!
Haum ma Bresln mit an Aumt.
San di Papierln ned beinaunt.
Kum ma irgendwo zu spät,
jo, oda föd uns goa a Göd.
Ihr sats do und gebts uns Hoit,
a waun des maunchen Leitln ned g’foit.
Glicklich wea ma mitanaund,
waun kana z’ruckbleibt … do bei uns im Laund.
Unsa Roistui is a Ferrari.
Gas ma au daun siachst nua(r)an Strich.
Mia kenna’n Himme und a di Hölle.
Mia san afoch gaunz Speziölle.
Und kana bei uns ... kana denkt nu(r)aun sich!
What the world needs now (02/2023)
What the world needs now > is love, sweet love!
It's the only thing > that there's just too little of.
What the world needs now > is love, sweet love!
No, not just for some > but for everyone!
Lord, we don't need another mountain.
There are mountains and hillsides enough to climb.
There are oceans and rivers enough to cross.
Enough to last 'til the end of time!
What the world needs now > is love, sweet love!
It's the only thing > that there's just too little of.
What the world needs now > is love, sweet love!
No, not just for some > but for everyone!
Lord, we don't need another weapons!
There are tanks, there are guns more than enough to die.
There are missiles enough to burne down the land.
Oh Lord, help us to understand!
What the world needs now > is love, peace an’ love!
These are all the things > that there's just too little of.
What the world needs now > is love, peace an’ love!
No, not just for some >oh< but just for every, every everyone!
What the world needs now > is love, peace an’ love!
What ...
byBurt Bacharach, Hal David, mARTin Stumpauer (Adaption der 2ten Strophe)
Skrupel Farewell (04/2019)
Gaunz im Ostn drunt'n im Burgenlaund
sitzt da Dosko mit da FPÖ Haund in Haund.
Eam warat's nua zwengan Mochterhoit,
Es Wossa im Neisiedlersee wird koid.
… Jo, weu da Wei is goa, genau wia da Schmäh.
Nur tode Fisch drin im Neisiedlersee.
Ausg’schoit’n san, Hirn und Hausfa(r)staund,
Schod is um unsa Burg‘nlaund.
Da klane Kickl reibt si längst die Händ‘,
„Die rode Bruat, sogt a, die is am End!“
Da Villimsky losst an muadsdrum Schaß.
Es gibt fü Leit do, die find‘n des klass.
… Jo, weu da Wei is goa, genau wia da Schmäh.
Nur tode Fisch drin im Neisiedlersee.
Ausg’schoit’n san, Hirn und Hausfa(r)staund,
Schod is um unsa Burg‘nlaund.
Antisemiten konstruier‘n ein Problem
und die Lösung glei mit, des ist sehr bequem.
Flüchtlinge hom bei uns eh nix farlurn.
Wia Zigeina und Judn soin’s wo aundas hinfoarn.
… Jo, weu da Wei is goa, genau wia da Schmäh.
Nur tode Fisch drin in unsan See.
Ausg’schoit’n san, Hirn und Hausfa(r)staund,
Es Boot is foi. Stad wird’s um unsa Laund.
(burgenländlicher Calypso nach "Jamaika Farewell")
Des woas (09/2023)
Brüderlein fein, Schwesterlein fein,
einmal muss geschieden sein.
Brennt das Feuer nicht mehr hell,
trennt man sich am besten schnell.
Brüderlein halt, Schwesterlein halt,
ist erst die Liebe kalt.
Schwesterlein Zorn, Brüderlein Zorn,
bald steht ihr beim Richter vorn.
Er wird trennen euren Bund,
gibt's dafür auch keinen Grund.
Brüderlein fein, Brüderlein fein,
niemand will schuld dran sein.
Schwesterlein arm, Brüderlein arm,
still schweigen Kummer und Harm.
Die Anwält fordern ihr Honorar.
Bald nichts mehr auf dem Konto war.
Brüderlein blank, Schwesterlein blank!
Kein Geld mehr auf der Bank?
Brüderlein fein, Schwesterlein fein,
einmal muss geschieden sein.
Ist das Feuer erst mal kalt,
naht das Ende auch schon bald.
Brüderlein schweig, Schwesterlein schweig.
Auch als Single wird man alt.
(Nach der Melodie von Ferdinand Raimund aus „Der Bauer als Millionär")