Start

Per sei der Vers

präzise das Wort

brotlos die Kunst

das Leben is hoat!

aktuell:

Fanny (04/2021)

Fanny, gestan hob i glaubt dos i scho spin.

Fanny, gestan woa(r) i so wia i ned bin.

Hob an Aunzug trogn, a Kravatn dazua,
hob hochdeitsch gred, wos i sunst nia tua.
Fanny, mia woa schlecht, oiso echt!

Fanny, heit is ollas aundas seit da Frua.

Fanny, heite geht's ma bessa, i steh dazua.

De Sun locht mi aun, ka Woikn im Weg,

ois gabat's nix bessas wia soiche Teg.

Fanny, so warat's recht, oiso echt.

Fanny, murgn fliag ma aufa bis zum Mond.

Fanny, murgn wiss ma ob si des a lohnt.

A Wossa gibt's kans, mit da Luft mias ma sporn.

Dafia san mia zwa in Himme aufa g'foan.

Fanny, mia san ned schlecht, oiso echt.

Fanny, künftig brauchst fia jedn Schas a Epp.

Fanny, ohne Smartphone kumsta fua ois wia a Depp.

Es Klo sperrt ma auf mit an doppelten Wisch.

Des Essn kumt nurmea digital aufn Tisch.

Fanny, mia wean oid, san boid koid.

---MB---

Fanny, künftig brauchst fia jedn Schas a Epp.

Fanny, ohne Smartphone bist a Depp.

Es Klo sperrt ma auf mit an doppelten Wisch.

Des Essn kumt nurmea digital aufn Tisch.

Fanny, mia wean oid, san boid koid.

Mia wean oid.

San boid koid.

(nach "Sunny", Bobby Hebb 1963)